HEALTH MELA HLAO TLO

Siaha liata Health Mela hneipa cha hlaotlo kawpata atano 22.11.07 liata pachhapa chata, chysa 7000 hlei mopa chata, operation taopa lymapa a cha.National Rural Health Mission tawhta fund Rs.8.00 lakhs sopa chata , Rs.2 lakhs thohna chaleipa chata, Aizawl la refer pahnita Rs.5000 piepa chata ,a a a balance cha CMO Siaha lita pie awpta ama chhua tahpa Dr.Sawma ta a reih.

Puhpa MH.Tiabi,EM,MADC ta khizaw liata Mara ypa mai tluapapua awpa ama chhuah tahpa committee liata a reih.

Puhpa S.Hiato,MLA ta, atahmahlata Mara Autonomous District Council sawkha liata pyu paropa hawta reihpa cha, bie doleipa chata, sawkhana a ihngasa pata a sy lyma tahpata eima correspondent a chho.

Ngiathai ahawna

MSO Sub-Hqrs Shillong ta Pasaipha Magazine 2007 apapuapa page 81 No.2 liata Rev.Leito Hnaihly s/o Vatu thatih ropa chata.Ano he ko 1937 pa liata Pastor awpata Vaili Mapaw ta a chahnao (ordained) pa a cha. A kholata bie aropa zydua kha haipa bie. pahnopasialeipata ama vaw ropa a cha tahpa pahnopa chata.He thatih a doleipa ama rona chochah liata MSO Sub-Hqrs Shil long ta pei ta hmeiseih ta.A sawchapawpa nata a chho kha hrihrua zydua cho liata MSO Sub-Hqrs Shil long nata Pasaipha Editorial Board zyta ama pacha thaina eima haw hmeiseih.

Sd/- J.Kholai
Editor-in-chief
Pasaipha Editorial Board

Siaha liata Mela

Atano 20.11.07 liata District playground,Siaha liata Health Mela hnei awpa chata,Mawra tawhta doctor specialist ama khy khai, he he centenary byhna sai a cha tahpa Macha C.Zohupa,Principal,Govt Saiha College nata Treasurer, Maraland Gospel Centenary Committee ta a reih.

A ronah tuhaw

Maraland Gospel Centenary opening & closing ceremony cha a rona kaw,olympic opening/closing ceremony nata a lyu tahpata Aizawl nata Lolei tawhta a khy penawta Puhpa J.Jeffrey Khara ama chhao.

Centenary Award 43 hnohta raipa chata, Hlapy Centenary Choir ataopasuana liata Group A liata 1. Gilgal Choir 2.Bethesda 3.New Colony Group B: 1. Amobyu 2.Lobo 3.Theiva. Group C. 1.Emanuel 2. Edenthar 3.Ahmypi.

Best conductor : T.Thatlo, Gilgal Local Church a cha. Closing liata thyly Rs.169,09/- Dt.10-18,11.07 chho liata thyly hmopa zydua Rs.11,06,09/-

Riachho ta press apakyna hnei

Atano kha Puhpa K.Riachho,Secretary,Mizoram I/c LAD ta Siaha liata Press meet hnei ta, Siaha district heta scheme/project tao thai awpa a peimawhna zie reih ta, Relief la chata Rs.25 crores piepa cha hata, 15 crores pie heihpa a cha, he he a cheque la ma leipa a cha tahpata a reih, Puhpa Riachho heta Maraland Gospel Centenary a vawhlao hra.

Pandal parao

Atamy kha cyclone ta Rev. RA Lorrain Stadium parao ta, tlarai hriapa chata, chakhaitawta daw 1 ta Cultural tableau daihti hmapa a cha.

Pavaw rapa Centenary a hmana cho liata a zaw!

Maraland Centenary Main Celebration hmana Rev. R.A.Lorrain Stadium cho liata Sunday no khata Puhpa S.T. Dula, SA bie rei no khata pawvaw a rapa a ngia ngaitapa cha a zawta, a chata number 3 hawta a taota, a chata number 7 hawhta a tao tahpa Counter waiter Puhpa Sawma nata a kiah liata a ypa zyta Marathlala Editor Puhpa J.Jeffrey Khara ama chho.

Centenary Procession

Atano date: 14-11-'07 liana khata Siaha liata Maraland Gospel Centenary Procession rona kawpata hneipa chata, Rev.R.A.Lorrain Troupe, Tlosaino Troupe, Foxall Troupe nata Tlosai Troup zy cha Siaha Bazar Traffic point liata a ty pakhy eita, Rev.NC.Vabeilua ta Khazopa bie reina a hnei. Mararah thatipha maniah pietuhpa Khazopa cha reithaipata y maw sy tahpata slogan hneipa chata, chakhaitawta, RA Lorrain Stadium la pangaipata, Thlachhana hneipa chata Rev. Chhuakhu Khithie cha leader a cha.

Centenary Opening ceremony kha a rona ngasa:

Maraland Gospel Centenary opening ceremony kha a rona ngasa, Olympic opening ceremony nata a nanona y vei. He Centenary opening Ceremony nata programme a hmapa zydua he www.marathlalanewspaper.8m.com nata www.moonlightnp.8m.com liata mo thei awhpata sopa a cha aw tah puhpa J.Jeffrey Khara ta a reih.

Minister ta Centenary hmakhei aw

Puhpa Zoramthanga, Chief Minister vyupata Puhpa Lalrinchhana, Minister i/v AH & Vety ta Maraland Gospel Centenary a hmakhei awhpata a khy awh. Date: 17.11.07 liata Rev.RA Lorrain Stadium liata bie reih awta, chakhai nata New Siata liata Centenary building a pahy awh.

CYMA ta a pei a tah

CYMA ta mawrah liata liany chichei hlutuhpa cha peih a ta zie YMA CCC liata rei eita, zahnia tawhta a control nawpa chochah reipata YMA Branch to tiama papua chyu awhpata a hawhpa chasala, tapata ama reih.

Centenary Award

Maraland Gospel Centenary Award taopa cha date: 18.11.07 liata Stadium liata rai awhpa chata, Missionary hno chaipa Rev.Violet chhao Centenary Award dao awpata atlypa a cha. Solo competition nata Choir competition result phuahpa a cha hra awh, lyma a pha ngasa sai.

Maraland Gospel Centenary

Maraland Gospel Centenary cha hma nga haipa chata, a tano kha Master of Ceremony cha, Dr.K.Beichhua,MTP President Hqrs chata, Puhpa H.Vabeitha, C.Thahe nata Ls.S.P.P.Beinonai ta ama host. Siaha Vaihpi Choir nata YMA Choir nata hla ama pary hra. Macha S.Vadyu, Chairman,MADC ta biehreihna a hnei. Chapi, Hermon, BCM, Presbyterian, Chakhei nata LIKBK zyta cultural dance ama show. Zahnia zokhata Dr. K.Zohra MC pata Puhpa V.Samson nata Ls. S. Lalmuanzuali ta host eita, Puhpa S.Khipo, CEM, MADC ta, Marapazy pie he pho chy kawpa chapita, Khazopata ky miapachapavata mia tlyhta,Missionary hmapata sapa nata thlapa liata byhna mian pie tata, thyu la, khai teh tahpa he eima biepie a cha lyma awpa chata, eima khai awpa na a cha tahpata a reih. He Centenary liata avaw hlaopa hry liata uthei chapaipa cha Puhpa Beitha Hlychho, Chholo chata, a hati chaipa cha Mary Jones, Siasi a cha.

Teenage Beauty Queen

Ataza tawh heta Lolei liata Southern Teenage Beauty Queen contest pathao awpa chata, Siaha tawhta Kharu sawchanono Zanu (Annie Jones) a hlao hra tahpa pahnopa a cha.