India Vice President Puhpa Mohammed Ansari ta University Building a pa hy

Siaha,Nov,5: Dt.3.11.07 liana khata Puhpa Mohammed Hamid Ansari, Vice President of India ta, Tanhril liata Mizoram University Administrative Building thipa pahyta, he building he Rs.2.2 crore hmapata sapa a cha. Vice President he Puhpa Lakhera, Mizoram Governor zy, Puhpa R.Lalthangliana, Minister, Information & Public Relation zy, Puhpa Lalrinchhana,Minister,Revenue zy, Puhpa Haukhum Hauzel, Chief Secy zy nata Prof.N.Rai, Vice Chancellor, University zyta ama pazi. Vice president Puhpa Ansari ta bie reih ta, University padua thi pahe ama nohlaohna, Education he chha thai leipa a chuna chata, Mawra he literacy lata a sapa state a chapavata he hawhpa University he nama phahnai khei kaw awpa a cha,tahpata a reih. Mohammed Ansari he India Vice President chata atako August 10,2007 liana khata Vice president ta a tlypa chata,amah he chathai sa kawpa nata chysa paloru kawpa chata, 1961 liana khata foreign service liata a ngiata, UAE, Afghanistan, Saudi Arabia, Iran liata chhao India chata Ambassador rai a vaw hria ha chiehpa a cha.